Suzanne Vega é unha das cantautoras americanas máis recoñecidas da década dos 80 grazas entre outros, a temas como "Tom's diner" e o seguinte que vos presentamos: "Luka", que conta a historia dun neno que recibe malos tratos na casa. A canción pertence o álbum Solitude Standing (1987).
A propia cantautora tamén gravou a canción en español: http://www.goear.com/listen/7b5807f/luka-spanish-version-suzanne-vega
O primeiro cover apareceu dous anos despois da publicación do orixinal de Suzanne Vega e correu a cargo da banda de Boston The Lemonheads para o seu álbum Lick (1989).
Pero posiblemente, a versión máis arriscada é a que levaron a cabo os xaponeses The Indigo, que transformaron un tema de estilo pop nunha peculiar e coidada bossanova no seu álbum My Fair Melodies2 (2004).
A última versión de "Luka" que coñecimos foi a que levou a cabo a banda liderada polo actor Luís Tosar The Ellas, que verteu a canción de Suzanne Vega ó galego, aínda que tamén adoita cantala en castelán. Deixamósvos á ligazón a YouTube do concerto que deu en Cans en 2010.
http://youtu.be/lFRmHcLHkcc
http://youtu.be/lFRmHcLHkcc
Ningún comentario:
Publicar un comentario