Uprising

Muse levantara moita expectación despois do éxito acadado con Black Holes and Revelations (2006) e a espera de novo material trala pílula do álbum en directo HAARP (2008) fíxose algo máis longa para os milleiros de fans que Muse ían sumando ano tras ano. Mais un ano despois, Muse anunciaba que xa terminaran o novo álbum, The Resistance (2009), un traballo cunha importante carga épica que se mostraba nos acordes sinfónicos cos que están construídas boa parte das cancións do disco e no título dalgunha delas coma "Resistance" e "Uprising". Precisamente esta última foi escollida como single oficial de presentación e ademais de ser unha excelente mostra da capacidade de Matt Bellamy para compór e producir, ofrece retazos das influencias que inspiraron a Bellamy, proceso que por outra parte é bastante habitual atopar nunhas cantas cancións da discografía de Muse. "Uprising" garda na súa estrutura o gusto de Matt Bellamy pola música de Blondie e polo de Black Sabbath, dúas correntes en principio moi diferentes que converxen indirectamente de forma maxistral na creación de "Uprising", sen que ningunha delas se utilizase explicitamente.

http://youtu.be/OqPVz101nd0

A crítica móstrase bastante unánime ó considerar que na elaboración de "Uprising" interveñen, por un lado a canción de Black Sabbath "Children on the Grave", e por outro "Call Me" de Blondie. A primeira pertence ó álbum Master of Reality (1971), o terceiro da banda de Ozzy Osbourne.

http://youtu.be/9rihpED_obk

"Call Me" está incluída no álbum de Blondie American Gigoló (1980) e é unha das cancións máis aclamadas da banda de Debbie Harry, quen a escribiu xunto a Giorgio Moroder, produtor do disco. Algúns dos acordes de "Call Me" poden relacionarse mesmo coa canción de Black Sabbath.

http://youtu.be/y6QBaZHltJw

Tocata e Fuga en D Menor, BWV 565

Non é ningún segredo que Johann Sebastian Bach é un dos compositores clásicos favoritos de tódolos tempos e a "Tocata e Fuga en D Menor", publicada en 1833, unha das pezas imprescindibles na cultura popular contemporánea. Tanto no cine coma na música, a "Tocata e Fuga en D Menor" foi reproducida ata chegar a ser unha das pezas máis coñecidas de Bach, que en moitos casos se pode considerar un músico comodín, pola cantidade de veces que aínda hoxe se recorre a súa obra como fonte de inspiración. E todo iso sen esquecer que está concebida para un instrumento coma o órgano, que tampouco é dos que máis habitualmente se empregan hoxe na música popular.

http://youtu.be/IVJD3dL4diY

Unha das cancións máis orixinais baseadas nesta composición de Bach é a instrumental en clave rock que Jon Lord, componente de Deep Purple, titulada "Bach Onto This", no álbum en solitario deste rockeiro Before I Forget (1982).

http://youtu.be/l9OFZ9Mh7GA

Michael Cretu tamén escolleu esta peza de Bach para darlle comezo á canción "The Rivers of Belief", nun dos discos máis coñecidos de Enigma, MCMXC a.D. (1990).

http://youtu.be/Xqb18bqNtEw

Do mesmo xeito comeza a canción de Blondie "No Exit", que lle dá título ó album co que a banda de Debbie Harry volvía o panorama musical en 1999 despois de máis dunha década de silencio. Cun son entre o rock e o hip hop, Blondie contaron neste tema coa colaboración de Coolio.

http://youtu.be/ZGrK0bil4lI

Pero a música de Bach non é a  do único compositor clásico que se pode apreciar na canción de Blondie, xa que tamén hai un pequeno fragmento da coñecida peza orquestral de Edvard Grieg, " I Dovregubbens", composta para a obra de Ibsen Peer Gynt, de 1876.

http://youtu.be/uQxsyA6s90Y

Volvamos de nova á obra de Johann Sebastian Bach, que tamén inspirou a Matt Bellamy en "Plug In Baby", tema que aparece no álbum Origin of Symmetry (2001). Os acordes do comezo remiten igual que as cancións anteriores á famosa Tocata.

http://youtu.be/Vsapab5LwcY

Heart of Glass

O terceiro disco de Blondie Parallel Lines (1979) é un bo exemplo do mellor pop-rock de finais dos 70. Non obstante, hai un tema que destaca por riba dos demais e que adentra á banda de Debbie Harry nos sons máis achegados ó son discotequeiro. Ese tema é "Heart of Glass", hoxe convertido nun clásico e nunha das cancións máis emblemáticas de Blondie. Malia que foi das primeiras cancións escritas por Deborah Harry e Chris Stein varios anos antes, houbo que esperar a traballar con Mike Chapman para que se animasen a incluíla no terceiro disco de Blondie. Co tempo confirmouse que foi unha decisión acertada.

http://www.goear.com/listen/28cdb32/heart-of-glass-blondie

Hai versións en case tódolos estilos da canción de Blondie. Destaca a versión punk de Me First and the Gimme Gimmes no álbum Ruin Jonny's Bar Mitzvah (2004).

http://www.goear.com/listen/75db50d/heart-of-glass-me-first-and-the-gimme-gimmes

Algo máis tranquila, en clave jazz e instrumental, é a verisón de The Bad Plus no álbum These are the Vistas (2003).

http://youtu.be/hWwP4C2lNmQ

No capítulo de samples, "Heart of Glass" tamén ten unha boa ración. Na que mellor se aprecia é na canción de Natalie Bassingthwaighte "Supersensual", no álbum 1000 Stars (2009).

http://youtu.be/aHCpOnKbPGA

E tamén a "Heart of Glass" débelle moito a canción de Arcade Fire "Sprawl II (Mountains Beyond Mountains)",  do álbum The Suburbs (2010). O estilo co que  Régine Chassagne a canta lembra moito ó de Debbie Harry.

http://youtu.be/rH_7_XRfTMs

Good Times

A mediados dos anos 70 a banda de Nova York Chic revolucionou parte do son musical do momento co seu estilo disco. Tras o enorme éxito que colleitou o álbum C'est Chic de 1978 con temazos como "Le Freak", un ano despois aparecía no mercado Risqué que contiña unha das cancións máis influentes na música posterior grazas a súa base rítmica. Sen dúbida, falamos de "Good Times", composta por Bernard Edwards e Nile Rodgers.

  http://www.goear.com/listen/e606b47/good-times-chic

"Good Times" empregouse en moitas ocasións coma un sample que garantía o éxito de calquera canción, e a primeira que o comprobou foi "Rappers Delight", da banda The Sugarhill Gang, que aparecía no seu álbum  homónimo de 1979, o mesmo ano da publicación do álbum de Chic.

  http://www.goear.com/listen/5dc6900/rapperss-delight-sugar-hill


Tamén se demostrou con "Another One Bites The Dust", un dos temas máis coñecidos de Queen, que en 1980 aparecía no disco da banda de Freddie Mercury The Game (1980).

  http://www.goear.com/listen/7c36a7b/another-one-bites-the-dust-queen

En 1981, a banda de Debbie Harry tamén se acordaría de "Good Times" no seu popular "Rapture" do álbum Autoamerican.

 http://www.goear.com/listen/d5c91f1/rapture-blondie

A última vez que atopamos a sombra de "Good Times" é no tema dos franceses Daft Punk "Around The World", do álbum Homework (1997).

  http://www.goear.com/listen/51db9f2/around-the-world-daft-punk

The Tide Is High

O autor desta canción é John Holt, cantante principal dun grupo dos anos 60 chamado The Paragons, que a lanzaron en forma de single en 1967. A canción tivo éxito no seu momento, pero ó cabo duns anos quedou relegada a un total esquecemento, así como The Paragons, que pasaron sin pena nin gloria.

 http://www.goear.com/listen/a28aa9c/the-tide-is-high-john-holt

Unha vez máis, sería unha versión a que rescataría esta canción do ostracismo para convertela nun clásico imprescindible da música. Isto ocorrería en 1980 grazas a unha banda orixinaria de Nova York liderada por unha moza que traballara como coelliña de Playboy, Deborah Harry. Ó ser unha voz feminina a que interpretaba a canción esta vez, adaptouse a letra orixinaria, que estaba na boca dun rapaz. Así a parte que dicía: I 'm just a kind of boy substituiuse na versión de Blondie por: I'm just a kind of girl.O álbum que contiña a versión de The Paragons titúlase Autoamerican.

 http://www.goear.com/listen/45a922a/the-tide-is-high-blondie

As seguintes versións parten da de Blondie, pero non tiveron o éxito suficiente para borrar da memoria colectiva á da banda de Deborah Harry. Quizais a máis recordada sexa a do grupo británico Atomic Kitten, tres mozas que en 2002 lanzaron o seu álbum Feels So Good, que mesmo doblaron ó español para promocionarse en España e Hispanoamérica nunha edición especial do seu álbum de grandes éxitos.

 http://www.goear.com/listen/edbc824/the-tide-is-high-atomic-kitten

E esta é a versión en español, que titularon "Ser Tu Pasión": http://youtu.be/NrNeq30-lRE