Still in Love with You

Malia que "Still in Love with You", pertencente ó noveno álbum de Thin Lizzy, Nightlife (1974), non chegou a saír como single, co tempo foise convertindo nunha das cancións máis coñecidas dese álbum, en parte porque Thin Lizzy a incluíu sucesivamente nos seus discos en directo e tamén debido á versión que doce anos despois Bobby Tench publicou coma un tributo a Phil Lynott, membro fundador e líder de Thin Lizzy, e autor de "Still in Love with You", quen faleceu aquel ano. Esta canción é a principal achega da banda irlandesa ó xénero das baladas rock, que empezou a despuntar nos setenta e acadaría o seu maior esplendor na década seguinte.

https://youtu.be/QNoMSi1ztt0

Bobby Tench gravou unha popular versión de "Still in Love with You", que editou en 1986. Para a ocasión contou co guitarrista de Thin Lizzy Brian Robertson.

https://youtu.be/npGciatBZog

Outra versión máis recente é a que Sade gravou para promocionar o seu compilatorio de grandes éxitos The Ultimate Collection (2011) con tintes de soul.

https://youtu.be/dcPbot4Smhs

No Ordinary Love

Sade soubo conquistar á crítica e tamén o gran público dende a aparición do primeiro disco, Diamond Life (1984), que contén o fabuloso "Smooth Operator" e que aínda hoxe sempre se cita como a principal canción de Sade. En cada disco que publica, todos con cancións dun gran nivel, sempre hai unha que destaca por riba das demais; se no primeiro é "Smooth Operator", no segundo recae en "The Sweetest Taboo", no terceiro é  "Paradise", e no cuarto está "No Ordinary Love", que é o que imos ver hoxe. Cando Sade editou Love Deluxe (1992) era xa unha artista máis que consagrada que levaba case unha década deleitando os oídos de medio planeta cunha voz suave combinada co elegantes sons da súa música. Iso rubricouse especialmente en "No Ordinary Love", que sen dúbida é a gran canción de Sade tras "Smooth Operator".

http://youtu.be/w6DQavhJUrk

"No Ordinary Love" conta con boas versións, pero ningunha tan rechamante coma a que Deftones incluíron no álbum de versións B- Sides & Rarities (2005), que por ser unha banda de rock experimental, transladaron ó seu estilo a canción de Sade sen perderlle a esencia que a fai máxica.

http://youtu.be/MuNZGijfaZA

E tampouco hai que sorprenderse de que o mundo do hip hop fagocitase a canción. Lee Majors e The Jacka son bo  un exemplo coa canción "Ordinary Drog", do álbum The Gobots 2: D-Boy Era (2010).

http://youtu.be/6Ogv6Hu0pk8

The Sweetest Taboo

Os anos 80 alumbraron unha nova voz que situou o R&B como un xénero bastante popular dentro da New Wave. A responsable disto é unha cantante inglesa de orixe nixeriana, co nome de Sade. A súa voz envolvente e sensual combinada cunhas melodías coidadas fixo que o seu estilo se coñecese como "smooth jazz" e hoxe resulte inconfundible. "The Sweetest Taboo", unha das súas cancións máis emblemáticas, foi o single de lanzamento do segundo disco de Sade Promise, publicado en 1985.

http://www.goear.com/listen/4cc51ea/the-sweetest-taboo-sade

En 1998, as francesas Les Nubians fixeron unha adaptación de "The Sweetest Taboo" no seu álbum de debut Princesses Nubiennes que titularon "Tabou".

 http://youtu.be/cN6WR43VN-0










Algo máis de éxito colleitou a versión de Shola Ama e Glamma Kid 1n 1999, dándolle un aire rapeiro que fixo as delicias dos amantes do hip-hop.

http://youtu.be/Jb_bV4AG4Fk