Tainted Love

Se se preguntase de quen é a canción "Tainted Love", moitos responderían que é dun grupo da New Wave chamado Soft Cell, e que este é o seu maior éxito; pero o certo é que a primeira gravación de "Tainted Love" é de 1964, levada a cabo pola cantante Gloria Jones. A canción escribiuna Edd Cobb, integrante do grupo vocal The Four Peps peo o certo é que a súa popularidade débese á versión de Soft Cell. A versión orixinal da cantante de Ohio saíu como single en 1964 e houbo que esperar ata 1976 para velo publicado nun dos seus álbumes: Vixen, producido polo seu mozo Marc Bolan, líder de T-Rex.

  http://www.goear.com/listen/d616514/tainted-love-gloria-jones

A versión de Soft Cell pertence ó seu álbum de debut Non-Stop Erotic Cabaret (1981). A partir dese momento, comezaron a facerse habituais os covers baseados na versión de Soft Cell.

  http://www.goear.com/listen/2db7276/tainted-love-soft-cell

Entre tódalas versións que se fixeron desde a publicación do álbum de Soft Cell, destaca especialmente o cover que Marylin Manson fixo para o seu disco de 2001 Not Another  Teen Movie Soundtrack.

  http://www.goear.com/listen/25a49ea/tainted-love-marilyn-manson

En español tamén hai un cover a cargo da banda madrileña La Unión, incluído no seu álbum de Grandes Éxitos (2000)

  http://www.goear.com/listen/809cec8/falso-amor-la-union

Actualmente, a melodía de "Tainted Love" segue actualizada, grazas a disc-jockeys como David Guetta e rapeiros como Flo Rida, que a samplearon nas súas cancións, o mesmo que a cantante de Barbados Rihanna, que se deu a coñecer con "SOS" no verán de 2006.

 http://www.goear.com/listen/5efb7a8/sos-rihanna