Cando Iggy Pop decidiu deixar de lado a súa banda The Stooges para comezar unha carreira en solitario decidiu asociarse con David Bowie para crear un álbum de debut que o consagrase como un rockeiro de lenda. E foi así como en 1977 apareceu no mercado The Idiot, un título que homenaxeaba a novela de Dostoyevski. Unha das cancións máis destacadas é o corte 2 "Nightclubbing" cuxo son de batería ía ser moi prezado por outros artistas.
Catro anos despois Grace Jones ía versionar esta canción no seu quinto álbum Nightclubbing e que aínda constitúe a mellor versión deste tema.
Mais como comentamos antes, a batería de "Nightclubbing" sampleouse nalgunhas ocasións. A última na canción de Oasis "Force of Nature" do álbum Heathen Chemistry (2002).
Pero se hai un artista que soubo integrar perfectamente esa batería a un dos seus temas ese é Trent Reznor. O líder de Nine Inch Nails empregouno na canción "Closer" do álbum de 1994 The Downward Spiral, segundo traballo de Nine Inch Nails.
"Closer" é un dos temas máis versionados de Nine Inch Nails. Mesmo foi sampleado algunha vez, dándolle unha volta de rosca. Os responsables son 30 Seconds to Mars. A banda de Jared Leto ten interpretado en directo "The Fantasy", do seu segundo disco A Beautiful Lie (2005) empregando "Closer".
Ningún comentario:
Publicar un comentario