No quinto álbum de America, Hearts (1975), destaca con diferenza a canción "Sister Golden Hair" que co paso do tempo se convertería nun dos grandes éxitos da banda formada por Dan Peek, Gerry Beckley e Dewey Bunnell. Mais a repercusión de "Sister Golden Hair" non oculta as outras cancións do disco, que tamén teñen un gran nivel compositivo e as que saíron como single tamén quedaron ben situadas nas listas de vendas. A que a tiña máis difícil, como non, foi o single sucesor de "Sister Golden Hair", que recaeu na balada "Daisy Jane", composta por Beckley.
A canción de America influenciou notablemente á balada de Janet Jackson "Let's Wait awhile", pertencente ó seu terceiro álbum, Control (1986). Esta non sería a única vez en que a pequena dos Jackson toma como referencia a obra de America, xa que anos despois tamén se fixaría na canción "Ventura Highway" para ensamblar o son de "Someone to Call My Lover", tal como vimos na entrada dedicada a ámbolos temas.
Ningún comentario:
Publicar un comentario