O cantautor escocés Donovan, coñecido tamén como o Bob Dylan europeo, editou o seu terceiro disco Sunshine Superman (1966) en plena febre psicodélica musical, polo que as cancións do álbum non podían escapar desa intensa influencia. Dese modo, o folk primitivo co que Donovan se presentara uns anos antes collía novos azos e metíase de cheo na nova orde que dominaría o pop e o rock nos seguintes anos. A canción que titula ese terceiro disco é unha das máis coñecidas da súa discografía e apareceu con diferentes formatos recompilatorios da obra de Donovan.
No álbum de debut de Hüsker Dü Everything Falls Apart (1983) aparece unha soa canción allea ó grupo e esa é "Sunshine Superman". Así de chula lles quedou a versión á banda de Minnesota.
Coas bases de "Sunshine Superman" Imani Coppola elaborou o único éxito que tivo na súa carreira, a canción "Legend of a Cowgirl", pertencente ó seu primeiro disco Chupacabra (1997).
Ningún comentario:
Publicar un comentario