Moitos cantantes de country dos anos cincuenta transitaron cara ó rockabilly, facendo desta nova corrente unha variante do rock and roll máis que consolidada en Estados Unidos. Warren Smith foi un de tantos músicos que xa dende os comezos da súa carreira se decantou por esta nova forma de facer música e gravou algúns éxitos soados, malia que logo a súa obra quedase relegada fronte a dos numerosos artistas que daquela tamén buscaban o seu lugar nas listas de vendas. Unha das primeiras gravacións de Smith foi "Ubangi Stomp", en 1956, unha canción que compuxo Charles Underwood, e que finalmente sería máis coñecida nas versións doutros artistas máis coñecidos que Warren Smith.
Unha das máis coñecidas é a que gravou anos máis tardes o seu colega de selo discográfico Jerry Lee Lewis no álbum epónimo de 1958.
Xa nos sesenta, "Ubangi Stomp" aparecería na cara B do single de The Trashmen "Bird '65".
Pero "Ubangi Stomp" entraría de cheo na década seguinte da man de Alice Cooper, quen a versionou no álbum Lace and Whiskey (1977).
Ningún comentario:
Publicar un comentario