Radiohead converteuse nas últimas décadas no gran referente musical sen necesidade de ser nun fenómeno de masas. A diferenza doutros que necesitan un amplo respaldo das vantaxes que ofrece o márkenting, a banda de Thom Yorke goza dunha aura capaz de encandilar á crítica, ós fans e a outros músicos sen renunciar nin unha miga a ese estilo de ir por libre e non casar con ningunha etiqueta que os encaixe nunha determinada tendencia. De feito, son contemporáneos dos grupos que impulsaron o britpop, pero xa daquela Radiohead era algo totalmente diferente. Ademais de ir sempre un paso por diante, a Radiohead hai que agradecerlle que de vez en cando recuperen nas súas cancións as achegas doutros músicos, normalmente descoñecidos para o gran público, e facer visibles a súa obra. En "Idioteque", tema do álbum Kid A (2000), vemos a contribución de dous músicos que nos anos 70 experimentaban coa electrónica.
Un deles é Paul Lansky, que en 1973 compuxo "Mild und Leise", unha obra duns dez minutos, que se redescubriu cando Radiohead a empregou no comezo de "Idioteque".
O outro tema que serve para darlle forma a "Idioteque" é " Short Piece", de Arthur Kreiger, outro compositor que tamén a escribiu durante os anos 70.
