O dúo folk formado por Paul Simon e Art Garfunkel xa gozaba do favor do público cando os produtores da película "O Graduado" elixiron unha das súas cancións para a banda sonora deste filme protagonizado por Dustin Hoffman e Anne Bancroft en 1967. "Mrs. Robinson" retrata como ninguén o personaxe principal da película e contribuíu de maneira notable á popularidade da película, á vez que se convertía nunha das cancións referente de Simon & Garfunkel, que a recollerían no álbum Bookends de 1968.
As versións non tardaron en aflorar e non só en inglés. En 1968, no mesmo ano da publicación de Bookends, o grupo italiano I Royals presentaba "Mrs. Robinson" vertida á súa lingua natal polo cantautor Francesco Guccini.
Mais nos anos 90, The Lemonheads renovou o son de "Mrs. Robinson" cunha versión rock que achegou este clásico a unha xeración máis nova. Está incluída no álbum It's a Shame About Ray (1992).
Ningún comentario:
Publicar un comentario