"Take On Me" foi a carta de presentación do grupo noruegués A-ha en todo o mundo. Extraído do seu álbum de debut Hunting High and Low (1985) a banda de Morten Hackett conquistou os oídos de milleiros de persoas e xunto cun excelente videoclip A-ha non tardou en convertirse na banda máis exitosa de Noruega. Boa proba disto son as innumerables versións de "Take On Me".
Imos agora con algunha das versións máis curiosas deste tema. Comezamos coa versión ska de Reel Big Fish, unha banda punk que a incluiu no seu disco Why Do They Rock So Hard? (1998) e que despois apareceu na banda sonora da película BASEketball. Outras versións en clave punk corresponden a Janez Detd. e Wohlstandskinder.
En 2006 Mägo de Oz, a banda madrileña de folk rock fixo unha versión para o seu disco recompilatorio The Best Oz. Non sería o primeiro grupo de rock en apostar por "Take On Me", xa que os alemáns Emil Bulls, os franceses Crumble Lane e os italianos Vision Divine tamén a versionaron nos seus respectivos traballos discográficos.
Esta é a versión de Emil Bulls do seu álbum Angel Delivery Service (2001).
E deixando de lado as guitarras eléctricas e contundentes, acabamos coa versión da cantautora malagueña Anni B Sweet que a gravou para o seu debut Start, Restart,Undo (2009).
Ningún comentario:
Publicar un comentario