Nos anos 60 moitos compositores que cedían as súas cancións a terceiros decidiron interpretar eles mesmos as súas propias creacións. Algúns tiveron éxito e a súa andaina transcorreu paralelamente como compositores e cantantes, mentres que outros tiveron que conformarse co éxito a través doutros artistas, xa que por uns motivos ou outros, a súas traxectorias detrás do micrófono non obtivo os resultados desexados. Nun destes últimos casos temos a Roger Nichols, que en 1968 probou sorte cun proxecto chamado Roger Nichols & the Small Circle of Friends, que finalmente non acabou de callar. Non obstante, o único disco que publicou reeditouse en Xapón en1995 tras gravalo de novo e na pasada década volveu reelanzarse a versión orixinal en dúas ocasións, en 2007 e 2008, a última con material extra. A canción que máis sona lle deu a este proxecto é "Love so Fine".
A mellor proba de que esta canción segue viva, está no segundo disco de La Casa Azul Tan simple como el amor (2003). A banda de Guille Milkyway, que recupera o son bubblegum no indie da escena española, revive a Roger Nichols na canción "C'est fini".
Ningún comentario:
Publicar un comentario