Na intensa traxectoria dos Beatles non só as cancións de Paul e John cambiaron o transcurso da música. As composicións de George Harrison tamén están á altura, mesmo ás veces por riba das da parella que lideraba a mellor banda da historia. A sensibilidade e o talento únense dunha maneira máxica nas composicións de George para engrandecer a lenda dos Beatles. "While My Guitar Gently Weeps", pertencente a The White Album (1968) é unha das catro cancións que George Harrison achega ó noveno traballo discográfico dos de Liverpool, e iso que ó principio non convencía moito nin a John Lennon nin a Paul McCartney. Tras varias sesións no estudio, George convidou a Eric Clapton para que tocase a guitarra e o resultado foi o definitivo.
Unha das versións máis persoais que se fixeron de "While My Guitar Gently Weeps" e que non podemos obviar é a de Peter Frampton no álbum Now (2003).
Aínda que para versións arriscadas, a da banda de jazz The Rippingtons no álbum Brave New World (1996).
E que dicir da versión versión métal de Spineshank no álbum Strictly Diesel de 1998?
Mais o éxito de "While My Guitar Gently Weeps" non só se limita ás versións. Moitos sinalan que a súa influencia é patente na melodía da canción de Cheap Trick "If You Want My Love" que aparece no disco One on One (1982).
http://www.goear.com/listen/fabe696/if-you-want-my-love-cheap-trickTamén se pode rastrexar o rastro de "While My Guitar Gently Weeps" no retrouso de "She's Electric", a canción de Oasis que pertence a (What's the Story?) Morning Glory (1995).
http://www.goear.com/listen/78cf532/shes-electric-oasis
Ningún comentario:
Publicar un comentario