Malia que lles custou chegar, The Talking Heads acabou sendo unha banda de referencia da new wave, e o líder, David Byrne, aínda é hoxe un gurú da música que cada pouco nos sorprende con proxectos novos. A gran eclosión de The Talking Heads como fenómeno de masas produciuse cando publicaron o quinto álbum, Speaking in Tongues (1983), o primeiro no que o grupo se encargaba exclusivamente da produción. E dende logo, foi unha decisión do máis acertada, porque foi dos discos máis vendidos dese ano en todo o mundo. Ábrese co que foi o single de promoción, "Burning Down the House", unha canción que como todas as demais escribiuna Byrne, e xunto co resto da banda, púxolle música.
No álbum de versións que Tom Jones titulou Reload (1999) atópase unha versión espectacular que o Tigre de Gales interpreta xunto cos suecos The Cardigans. A nova versión serviu para darlle unha nova popularidade á canción de The Talking Heads.
Ningún comentario:
Publicar un comentario