O terceiro álbum de Whitesnake, Ready an' Willing (1980) anunciaba que a escena hard rock de finais dos setenta contaba cunha nova banda que ía escribir unha das mellores páxinas do rock dos oitenta. Se os primeiros traballos de Whitesnake tiveron unha acollida máis ben morna, Ready an' Willing supuxo o doce despertar destes ingleses, que dende entón non baixarían dos postos máis altos das listas de vendas. O gancho deste terceiro disco é a primeira canción que atopa o oínte e que tamén foi o single de lanzamento do álbum. Trátase de "Fool for Your Loving", que lle abriu as portas do éxito a Whitesnake.
Hai certos ecos do riff de "Fool for Your Loving" na canción de Slade "Lock Up Your Daughters", pertencente ó álbum Till Deaf Do Us Part (1981). Casualidade ou non, o feito de que unha banda veterana como Slade gravase un tema que recorda un pouco ó de Whitesnake, que case acabaran de chegar, mostra o potencial da banda de David Coverdale.
Ningún comentario:
Publicar un comentario