A finais dos anos cincuenta o pop melódico con trazos de rockabilly e country atopou unha forma de canalizarse nas voces de novos solistas que foron labrando un nome e que tivo en Elvis Presley o seu maior exponente. Pero xunto ó rei do rock brillan tamén outros artistas coma Conway Twitty, menos coñecidos para o gran público, pero que no seu momento colleitaron varios éxitos, especialmente en Estados Unidos, nutrida canteira de este tipo de artistas. Conway Twitty presentouse co álbum Conway Twitty Sings (1958), onde se inclúe o medio tempo "It's Only Make Believe".
James Brown, que admiraba o traballo de Conway Twitty, inspirouse no retrouso de "It's Only Make Believe" para compór "Lost Someone", single que editou en 1961, que ten o mesmo estilo có de Twitty.
Cat Power fixo unha versión de "Lost Someone" no álbum Jukebox (2008). Malia que mantén o mesmo ritmo da orixinal, áchase de menos o poderío vocal que atesoura Brown.
Ningún comentario:
Publicar un comentario