Como pioneiros do funk cando este comezou a pórse de moda nos anos setenta, Sly and the Stone Family continuaban en plena forma co lanzamento de There's a Riot Goin' On (1971), quinto álbum na andaina da formación de San Francisco. Tras publicar un compilatorio de grandes éxitos que recollía o mellorciño que colleitaran ata o momento, procedente de Stand! (1969), Life (1968), Dance to the Music (1968) e A Whole New Thing (1967), o novo álbum afianzaba a posición que Sly and the Stone Family acada como baluarte do novo estilo funk. Cunha mirada posta en África que recorre todo o álbum, a canción que o pecha resume a súa esencia: "Thank You For Talkin' To Me Africa".
Norman Cook nunca ocultou a súa admiración pola obra de Sly and the Stone Family e ó longo da súa andaina en diferentes proxectos pódese apreciar a sombra dos de San Francisco. Cando puxo en marcha Beats International, "Thank You For Talkin' To Me Africa" serviu de base para a canción "Burundi Blues", do álbum de debut Let Them Eat Bingo (1990).
Ningún comentario:
Publicar un comentario