É certo que boa parte da discografía de moitas cantautoras do anos 60 e 70 está composta de versións, pero non é menos certo dicir que as cancións orixinais que saíron da man de Marianne Faithfull, Judy Collins e Joan Baez, por citar só tres nomes, son tamén grandes composicións. No caso de Joan Baez destaca especialmente a canción que lle dá título ó album de 1975 Diamonds & Rust, unha dos temas máis persoais da compositora de Nova York. Inspirada na figura do seu bo amigo Bob Dylan, "Diamonds & Rust" conseguiu á vez, ser das cancións máis versionadas de Joan Baez e non só por cantautores, senón que esta canción chegou mesmo á órbita do heavy metal.
Pois si. Algo terá "Diamonds & Rust" para que un dos grupos máis importantes do heavy como Judas Priest se animase a facer unha versión no álbum Sin After Sin (1977).
E desde logo, tampouco pasou desapercibida para os artistas de hip hop. Busdriver comeza cun sample de "Diamonds and Rust" a canción "Happiness" e que repite no retrouso.
A mesma fórmula repítea André Nickatina en "Upgrade Call".
Pero sen recorrer ó hip hop, podemos atopa-la influencia da canción de Joan Baez en "Foolish Games", un dos éxitos de Jewel pertencente ó álbum Pieces of You (1995) e que tamén se incluiría na banda sonora da película de Batman e Robin.
Ningún comentario:
Publicar un comentario