Alá por 1946 cando o rock 'n' roll non era máis que unha variante do blues, country e jazz, Louis Jordan, un compositor de Arkansas, gravou "Ain't That Just Like a Woman" xunto co seu grupo Louis Jordan and His Tympany Five, un tema cunha apertura que se habería de converter en todo un clásico ó reproducirse noutras cancións emblemáticas nos comezos do rock 'n' roll.
A primeira canción que reproduce a introdución de "Ain't That Just Like a Woman" é o clásico de Chuck Berry "Johnny B. Goode", de 1958. "Johnny B. Goode" é curiosamente unha das cancións máis versionadas da historia e mesmo a NASA a enviou ó espazo nunha cápsula xunto con outras pezas musicais como mostra do que se fai no planeta Terra.
Outra canción mítica que empeza do mesmo xeito é "Fun Fun Fun", unha das máis divertidas de The Beach Boys, que a incluiron no álbum Shut Down Volume 2 (1964). Esta obra escrita por Brian Wilson e Mike Love tamén conta cun sinfín de versións coma a de Joan Jett, a de Status Quo e mesmo a de The Carpenters, sen esquecer a do grupo xuvenil mexicano Onda Vaselina, cuxa versión se trataba dunha adaptación libre ó castelán.
Ningún comentario:
Publicar un comentario