Viamos hai uns días como ás veces algúns artistas teñen unha melodía ou un ritmo que lles serve para crear varias cancións, pero desta arte non só Van Morrison é un mestre e co tempo iremos vendo outros exemplos. Hoxe por exemplo, imos dedicarlle unha entrada a Mike Oldfield, o formidable compositor inglés que catapultou o selo discográfico Virgin nos anos 70 grazas ó seu debut Tubular Bells (1973) e que formou parte da banda sonora do filme "O Exorcista". Dez anos despois deste éxito, Mike Oldfield lanzou unha das cancións coa que logrou maior sona: "Moonlight Shadow" coa voz da cantante Maggie Reilly, colaboradora habitual dos temas con letra de Oldfield. A canción aparece no álbum Crises (1983) e é unha das máis versionadas deste artista, que tamén conta desde remesturas para as discotecas.
Antes de pasar ó outro tema de Mike Oldfield baseado en "Moonlight Shadow" imos repasar algunhas desas versións de que falabamos antes. Moitas bandas de metal e hard core sentiron unha especial inclinación por "Moonlight Shadow" e non dubidaron en dotar destes sons a este tema. Personalmente quedamos coa de Mägo de Oz, cara B do single "Y Ahora Voy a Salir (Ranxeira)" interpretado xunto con Patricia Tapia en 2007.
"Moonlight Shadow" tamén foi gravada noutros idiomas ademais do inglés. En castelán destaca a da cantante arxentina Marcela Morelo en 2009 no álbum Otro Plan.
E agora imos xa con "Man in the Rain", que reproduce á batería de "Moonlight Shadow". Está no disco de 1998 Tubular Bells III e está interpretada por Cara Dillon.
http://www.goear.com/listen/3e2039f/man-in-the-rain-mike-oldfieldE iso que Mike Oldfield xa ensaiara anos antes parte de "Man in the Rain" noutra canción cuxo resultado habería ser distinto. Trátase de "Heaven's Open", canción que titulaba o álbum de 1991.
http://youtu.be/Q-FilJ5sx2E
Ningún comentario:
Publicar un comentario