Un dos discos máis relevantes da música española nos anos 80 é o quinto álbum de Mecano Descanso Dominical (1988), un traballo moi esperado despois do éxito internacional que supuxo Entre el Cielo y el Suelo (1986) e que converteu o trío composto por Ana Torroja e os irmáns Cano na banda de pop máis importante do país cunhas vendas nunca vistas ata daquela en España. Por primeira vez, un grupo formado en España ateigaba estadios de fútbol e marcaba a toda unha xeración. Amados e odiados a partes iguais, o regreso de Ana, Jose e Nacho neste novo século é dos máis esperados. Mentres, lembramos "Los Amantes", un tema asinado por Nacho Cano, cuarto corte de Descanso Dominical.
"Los Amantes" non é dos temas máis recoñecidos de Mecano, que contan na súa longa traxectoria con cancións que son case un himno. Por iso non deixa de sorprender o curioso parecido que garda co tema de Pulp "Common People", recentemente declarada mellor canción dos 90 por NME, e que aparece no disco Different Class (1995), o traballo máis aclamado da banda de Jarvis Cocker.
http://www.goear.com/listen/06f9ec3/common-people-pulpE volvendo a España, a canción de We Are Standard "Supermarket" do álbum 3000 V 40000 W (2006) ten un ritmo moi parecido á canción de Pulp.
http://www.goear.com/listen/28a9f0b/supermarket-standard
Ningún comentario:
Publicar un comentario