Parafraseando ó cantante de Iguana Tango, Enrique Urquijo soubo elevar á categoría de arte a tristeza a través das súas letras e a melancolía converteuse nunha constante na música de Los Secretos, que por outra parte, combinaban de vez en cando con algúns temas algo máis optimistas. "Quiero beber hasta perder el control" do EP de 1986 El primer cruce e logo como extra no seguinte disco Continuará (1987) pode considerarse unha canción típica da banda madrileña e fala dese sentimento de afogar as penas en alcol tras un fracaso sentimental.
Esta canción conta con algunhas versións. Unha delas é a de Revólver en directo homenaxeando a Enrique Urquijo.
Pero a máis coñecida é a de Fito y Fitipaldis, que a gravaron para o seu álbum de debut A puerta cerrada (1998). Neste disco aínda se nota a influencia que exercía en Fito Cabrales a súa anterior banda de rock Platero y Tú e unha boa proba é esta versión dun tema meláncolico, tanto, que ata a historia parece alegre.
Ningún comentario:
Publicar un comentario