Chic soubo sobreporse ó éxito acadado nos seus primeiros anos de andaina a finais dos anos 70 e comezou a nova década como unha banda consolidada e referente da música disco, así que non sorprendeu demasiado que en 1982 se encargase da banda sonora da comedia romántica Soup for One. O resultado foi un EP que contén toda a esencia da banda de Nile Rodgers.
Os anos 90 confirmaron que Francia era un dos países onde se facía a mellor música electrónica que soaba no planeta. Tralo pioneiro Jean Michel Jarre nos 80 habería que engadir á lista o bo facer de bandas como Daft Punk e Air e, mesmo recentemente, téñense sumado Justice, que continúan cun labor que xa empeza a ser unha tradición no país galo. Pero agora mesmo imos quedar con Modjo, un dúo composto polos produtores Romain Tranchart e Yann Destagnol, que cunha traxectoria bastante breve, deixaron un moi bo resaibo co único álbum que lanzaron ó mercado, o homónimo Modjo (2000). Nel estaba a canción que os habería de perpetuar no tempo "Lady (Hear Me Tonight)".
Ningún comentario:
Publicar un comentario