Cando o rock derivou cara a súa vertente máis dura aló a finais dos anos 60 e comezos dos 70 non esqueceu deixarlle un reconto ás baladas, que co novo son, vestíronse dunha enerxía que as liberaba de todo o que puidese parecer sensibleiro e cursi sen deixar de cumpri-la súa función: emocionar. Un deses exemplos atopámolo no debut de Aerosmith en 1973, o álbum epónimo que contén "Dream On", talvez un dos mellores temas asinados por Steve Tyler e que non falta en ningún recompilatorio de Aerosmith.
Hai moi boas versións de "Dream On" como a de Andru Donalds ou a que fixo recentemento Anastacia. Respecto ós samples que se empregaron desta canción, hai que mencionar a Eminem, que os aproveitou para a súa canción "Sing for the Moment", do álbum The Eminem Show (2003), cuxo retrouso é o orixinal.
Tamén o rapeiro de orixe peruana Inmortal Technique serviuse do tema de Aerosmith para a súa canción "Angels and Demons", do álbum The Martyr (2011).
Ningún comentario:
Publicar un comentario