Unha das cancións que mellor definen o estilo de Jefferson Airplane é "White Rabbit", do segundo disco da banda Surrealistic Pillow (1967). Inspirada na fantástica obra de Lewis Carroll, a música, en cambio, ten reminiscenicas do enorme traballo de Miles Davis Sketches of Spain, editado en 1960 (algún día teremos que falar en profundidade da repercusión que tivo ese álbum na música), e do "Bolero" de Ravel (ó que tamén lle dedicaremos unha entrada proximamente). Polo demais, "White Rabbit" é hoxe unha canción versionada por moitos artistas e conta con adaptacións en moitos estilos.
Moitos artistas de jazz incorporaron "White Rabbit" ó seu repertorio. Un dos primeiros foi George Benson, en 1971 nun álbum que leva o título da canción de Jefferson Airplane.
Cunha versión en heavy metal sorprenderon Sanctuary en 1987 cando debutaron con Refuge Denied.
Pero tamén de "White Rabbit" hai numerosos samples en moitas cancións, sobre todo de hip hop, aínda que para maioría da xente a máis recoñecible é coa que se deron a coñecer Sugababes "Overload", do debut One Touch (2000).
Mais imos quedar cunha das cancións que, sen recorrer ós samples, mellor recollen o rastro de "White Rabbit". Trátase de "Where's My Mind" dos Pixies, do álbum de debut Surfer Rosa (1988).
Ningún comentario:
Publicar un comentario