O compositor Henry Purcell é un dos favoritos polos músicos modernos, xa se dediquen á música clásica ou a estilos máis modernos. A súa influencia é decisiva na obra de The Who, pero tamén de autores como Michael Nyman. A ópera "King Arthur", estrenada en 1691, ofrécenos o melloriño do repertorio de Purcell que chegou a callar nos músicos do século XX. En concreto, o "Preludio" co que comeza a segunda escena do terceiro acto, ten unha melodía á que poderíamos de definir de pegadiza, difícil de esquecer, e polo tanto, moi fácil de permanecer na memoria colectiva durante un longo período de tempo, algo que se pode aplicar á toda a música desa escena, coñecida co nome "The Frost Scene".
Michael Nyman, de quen falabamos antes, baseou algunha das súas composicións na música desa escena e unha das máis famosas é "Chasing Sheep Is Best Left to Shepherds", pertencente á banda sonora da película The Draughmn's Contract, de 1982.
E recentemente, Pet Shop Boys recolleron a melodía de Nyman para ilustrar un dos temas do seu último disco Electric (2013). "Love Is a Bourgeois Construct" é o último single extraído do disco.
Ningún comentario:
Publicar un comentario