Ninguén dubida de que Da Capo é o mellor disco no repetorio de Love. Publicado en 1966, boa parte dos seus temas evitaron que o tempo relegase á banda californiana ó máis absoluto esquecemento. Unha das xoias de Da Capo é "She's a Rainbow", unha fermosa canción asinada por Arthur Lee e das máis influentes de Love.
Non tanto pola melodía, senón pola letra, o sexto disco dos Rolling Stones Their Satanic Majesties Request (1967) contén unha das cancións máis sorprendentes do repertorio da banda inglesa, que foi comparada coa canción de Love. "She's a Rainbow" revelouse co paso do tempo como unha especie de rareza dos Stones, polo emprego do melotrón e do piano, instrumentos non moi habituais nos seus temas, así como a suave melodía de "She's a Rainbow". Unha marabilla máis asinada por Mick Jagger e Keith Richards.
A versión máis importante de "She Comes in Colors" é a que fixo The Hooters en 1985 no disco Nervous Night cun toque inconfundible que fai que pareza unha canción de The Doors.
Pero "She Comes in Colors" tamén serviu para inspirar outra cancións en forma de sample, malia perder a súa maxia inicial. "Beautiful Stranger", da banda sonora de Austin Powers, e cantada por Madonna, de 1999.
Aínda que para versións de "Beautiful Stranger", ningunha mellor que a de Sidonie en 2000 no EP Dragonfly.
Ningún comentario:
Publicar un comentario