The Dynamics, un grupo vocal de R&B procedente de Detroit, non tivo un recorrido excesivamente longo no mundo da música. A súa traxectoria abarcou a década de 1960 e parte dos anos 70, pero tan só nos deixaron varios singles e tres discos de longa duración. No entanto, esta banda que tiña como manáger a Ted White e que se caracterizou por un son que algúns definen coma "protofunk" deixou un recordo cun dos seus primeiros singles, editado en 1963. "Misery", que sería un título constante en ducias de cancións posteriores, apenas tivo transecendencia cando se publicou, pero ó ano seguinte un grupo de debutantes se ían encargar de inmortalizala.
Esa nova banda viña de Reino Unido e facíanse chamar The High Numbers, malia que non tardarían en cambialo polo de The Who. A súa andaina discográfica comezou en 1964 coa publicación dun single "Zoot Suite", que ten a mesma melodía cá de The Dynamics. A cara B, como xa vimos noutra ocasión, "I'm the Face" tampouco ten unha música orixinal. Quen ía dicir nese momento que a banda composta por Pete Townshend ía chegar a ser o que é hoxe?
Ningún comentario:
Publicar un comentario