Will Glahé é unha das figuras clave na renovación da música popular alemá do pasado século. Armado co seu acordeón, o seu momento de apoxeo chegou cando editou "Liechtensteiner Polka" (1957), unha composición asinada por Edmund Kotscher e Rudi Lindt, que se paseou con notable éxito polo Billboard estadounidense. Como moitas das cancións de Glahé, a "Liechtensteiner Polka" é unha invitación á troula, pero sen deixar de lado un aire clásico e popular, todo impregnado da mellor tradición baviera.
Con un remedo do retrouso da "Liechtensteiner Polka" compuxeron The Pogues "Fiesta", unha das cancións de If I Should Fall from Grace with God (1988), cuxo videoclip gravouse en Almería reproducindo algún dos mellorciños tópicos como as touradas, e como non podía faltar, a xoldra desenfreada.
Ningún comentario:
Publicar un comentario