Nova entrega da monografía dedicado á radio. Comezamos coa canción de Cheap Trick "On the Radio", do álbum Heaven Tonight (1978).
E do pop rock de Cheap Trick pasamos a unha das cancións máis emblemáticas da new wave. O tema de The Buggles, "Video Killed the Radio Star", pertencente a The Age of Plastic (1980) describía unha nova realidade tecnolóxica que parecía asentarse a pasos acelerados a finais dos setenta, isto é, a implantación dos videoclips e o poder da imaxe, que ameazaba o dominio que a radio tivera ata o momento como medio de transmitir música. Afortunadamente o panorama non foi tan pésimo como predecía a canción e Trevorn Horn convertiuse nun dos produtores do momento.
Outras cancións que se escribiron sobre a radio son as seguintes: a de Nelly Furtado "On the Radio (Remember the Days)" no debut da canadense Whoa, Nelly! (2000).
Robbie Williams incluíu un tema co título de "Radio" no compilatorio de grandes éxitos que publicou en 2004.
Como vimos ó longo destas entregas, o título de "On the Radio" é bastante recorrente. The Concretes gravaron unha canción con ese título no álbum In Colour (2006).
Do mesmo xeito que Regina Spektor ten unha canción titulada así no álbum Begin to Hope (2006).
Ningún comentario:
Publicar un comentario