O ano que vén preséntase con interesantes novidades. Unha delas o próximo disco de Arcade Fire, que tralo triunfal The Suburbs de 2010, espérase que os rapaces de Quebec continúen na mesma liña á que nos teñen acostumados, con eses sensacionais arranxos de cordas en cancións épicas. Mentres, quedamos cunha das súas cancións do segundo traballo de Arcade Fire Neon Bible, de 2007, "Ocean of Noise".
A canción que vos presentamos a continuación non ten moito que ver con "Ocean of Noise", mais si o grupo e por iso, tomámonos a licenza que traer por aquí a Fanfarlo, un grupo inglés formado en 2006 polo sueco Simon Balthazar e Giles J Davis. O estilo de Fanfarlo lembra moitísimo a Arcade Fire e os críticos non dubidan en comparalos cos canadenses e, se ben tódalas comparacións son odiosas, moitos chegamos a coñecer a Fanfarlo precisamente cando nos advertiron que o seu son estaba na liña de Arcade Fire. "I'm a Pilot" abre o álbum de debut de Fanfarlo Reservoir (2009).
É un feito que Arcade Fire están creando tendencia e oxalá aparezan máis grupos como eles e Fanfarlo. De momento os de Quebec xa contan con algunha banda tributo como Hervelle Fire.
Ningún comentario:
Publicar un comentario