Crazy Horse foi un dos proxectos que a Neil Young máis lle chamou a atención e que deixaron maior pegada no artista. A combinación de rock e country atopou un lugar destacado desde o momento en que Crazy Horse publicou o seu debut, un disco que levaba o nome da banda en 1971. Precisamente, unha das cancións máis coñecidas dese disco é unha canción asinada por Young "Dance Dance Dance".
A mesma melodía de "Dance Dance Dance" aproveitouna Neil Young para crear un novo tema, aínda que carente do ritmo vibratorio que se aprecia na canción gravada por Crazy Horse. A nova composición titúlase "Love is a Rose" e apareceu no disco en solitario de Young Homegrown que viu a luz en 1975.
"Love is a Rose" conta cunha fermosa versión de Linda Ronstadt, que a artista de Arizona incluíu no disco Prisoner in Disguise en 1975, poucos meses despois da publicación do disco de Neil Young.
Ningún comentario:
Publicar un comentario