Nos anos 60 os grupos vocais femininos viviron unha época de esplendor que non se volveu recuperar nos anos seguintes. As Ronettes, as Shangri-Las, as Syrelles, Poney Tail, as Supremes Martha and the Vandellas. O selo Tamla Motown foi o que máis apostou por este tipo de grupos e o formado por Martha Reeves foi un dos máis populares, facéndolle sombra, iso si, a Diana Ross coas Supremes. En 1963 saíu o segundo disco de Martha and the Vandellas Heat Wave, que inclúe o single "(Love Is Like a) Heat Wave", un dos máis influentes na música.
Unha das primeiras cancións que recibiron a influencia de "(Love Is Like a) Heat Wave" foi o coñecido tema de The Lovin' Spoonful "Do You Believe in Magic" en 1965 e que aparece no álbum do mesmo título.
Xa máis recentemente, atopamos a canción de Doves "Black and White Town", do álbum Some Cities (2005) cun son máis achegado á canción de Martha and the Vandellas que a de The Lovin' Spoonful.
Solange Knowles, que trata de afastarse das comparacións coa súa irmá Beyoncé, tamén aproveitou o son de"(Love Is a) Heat Wave" no seu tema "I Decided", do álbum Sol-Angel and the Hadley St. Dreams (2008).
Ningún comentario:
Publicar un comentario