A música tradicional mexicana contribuíu ó crecemento do rock nos anos 50 grazas sobre todo a unha canción, "La Bamba", que un mociño de nome Richie Valens elevou á categoría de clásico cando a gravou en 1958 no seu álbum epónimo. A vida de Valens quedou truncada con só dezaoito anos por culpa dun accidente de coche, xusto cando xa todo o mundo o tiña como unha das grandes estrelas do rock grazas a unha fulgurante carreira, culminada por un dos últimos singles que gravou: "La Bamba". Este canto orixinario de Veracruz e que Richie Valens puxo de moda foi versionada despois por unha chea de artistas, aínda que quizais a máis coñecida sexa a dos Lobos. Quedamos, pois, coa gravación orixinal de Richie Valens.
Coa mesma estrutura de "La Bamba", os autores Phil Medley e Bert Russell crearon unha nova canción que habería de acadar a mesma popularidade que a súa antecesora. "Twist and Shout" gravárona por primeira vez os Top Notes, un grupo vocal en 1961, coa produción de Phil Spector.
A canción de Top Notes non tivo moita repercusión, pero sería coa versión de Isley Brothers cando despegaría definitivamente "Twist and Shout". Curiosamente, a versión de Isley Brothers é algo máis apegada a "La Bamba" que a de Top Notes, cuxa melodía é lixeiramente diferente. O single de Isley Brothers saíu á venda en 1962.
Pero a consagración de "Twist and Shout" chegou coa versión dos Beatles, que incluíron no seu debut Please Please Me de 1963.
Ningún comentario:
Publicar un comentario