Tears for Fears acadaran unha colleita de boas críticas e de boas sensacións cando debutaron con The Hurting (1983), así que o seguinte álbum non podía defraudar; de feito, Songs from the Big Chair (1985) confirmou que Roland Orzabal e Curt Smith avanzaban na senda correcta. Co paso do tempo, ese segundo álbum é dos máis aclamados do dúo inglés, xa que contén algunhas cancións emblemáticas da discografía de Tears for Fears, coma "Shout" e "Everybody Wants to Rule the World". Outra tamén inesquecible é "Head over Heels", que se colocou nos primeiros postos das listas británicas e das estadounidenses.
Leona Lewis construíu a súa canción "Favourite Scar", pertencente a Glassheart (2012) en torno a "Head over Heels". A de Leona Lewis é unha das cancións que a cantante elaborou xunto co líder de OneRepublic, Ryan Tedder, entre outros, quen tamén se encargou da produción deste tema.
Ningún comentario:
Publicar un comentario