The Moody Blues é outra das bandas que durante os sesenta e os setenta se decantaron polo rock máis experimental do momento. As súas cancións transitan entre o rock psicodélico e o sinfónico, nas que destaca especialmente a fermosa balada rock "Nights in White Satin", pola que na actualidade aínda son coñecidos. Pero achegarse ó repertorio desta banda de Birmingham serve para descubrir que está composto de grandes temas en cada un dos discos que publicaron até o de agora. A Question of Balance (1970), o sexto álbum de The Moody Blues, ábrese cun sensacional tema sobre Vietnam, "Question", encadrado no momento político máis importante daqueles anos, e ó igual que outros músicos, The Moody Blues non se mostraron alleos á preocupación social sobre aquela guerra. "Question" é a súa resposta.
Con ecos evidentes de "Question", Heart creou unha das composicións máis famosas da súa discografía "Crazy On You", pertencente ó álbum Dreamboat Annie (1975).
Algúns anacos de "Crazy On You" conforman o retrouso do tema de Eminem "Crazy in Love", incluído en Encore (2004).
Ningún comentario:
Publicar un comentario