Sempre coa idea de deixar unha pegada no rock, tódolos grupos buscan alomenos unha soa canción que lles abra tódalas portas. Paul Revere & The Raiders conseguírono con algunhas cancións como "(I'm Not Your) Steppin' Stone", pertencente ó quinto disco Midnight Ride (1966). Se temos en conta que precisamente neses anos non era doado facerse cun sitio na puxante escena rock, Paul Revere & The Revere tiveron o seu premio sobre todo con esta canción que leva a sinatura de Tommy Boyce e de Bobby Hart, quen tamén se encargaron de producila.
Tamén nese álbum atópase a outra gran canción de Paul Revere and The Raiders "Kicks".
Xa ese mesmo ano de 1966 "(I'm Not Your) Steppin' Stone") contou coa súa primeira versión, desta volta da banda de ficción The Monkees, que a acabaron popularizando, ó igual que fixeron con "Kicks".
E moi influenciados polas principais cancións de Paul Revere & The Raiders, The Hives achegaban o son desta banda ós seus seguidores en "Two-Timing Touch and Broken Bones", unha das cancións de Tyrannosaurus Hives (2004).
Ningún comentario:
Publicar un comentario