A mediados dos anos oitenta comezou a xestarse en España unha das bandas máis importantes do rock español, xa que cos anos habería de conseguir unha gran popularidade en Latinoamérica e en parte de Europa. Non obstante, Héroes del Silencio comezaba a súa andaina dun xeito máis ben tímido, editando un EP de tres cancións máis a versión maxi dunha delas, co título da banda, en 1987. "Héroe de leyenda" era a canción principal, a única que contaba cunha versión maxi e tamén a que haberían recuperar para o primeiro álbum da banda, El mar no cesa (1988). Nesa canción a voz de Bunbury combina a lírica coa épica no que se convertería nunha das marcas máis representativas na música da banda zaragozana.
Con motivo de Hechizo: tributo a Héroes del Silencio y Bunbury (2010), o álbum co que distintas bandas e artistas homenaxeaban ós zaragozanos, a banda mexicana Zoé fixo unha sensacional versión de "Héroe de leyenda".
Ningún comentario:
Publicar un comentario