Malia que a discografía de Jackie Edwards está algo esquecida, nela destaca o single que publicou en 1965 titulado "Keep on Running", un tema que se move entre o soul e o reggae, o xénero por excelencia de Xamaica, de onde era orixinario Edwards.O certo é que no momento da publicación, do mesmo modo que xa ocorrera con outros singles non levantou moita expectación, ó igual que o resto do álbum no que se incluía, Come on Home (1965). Isto non desanimou a Island, a discográfica inglesa especializada en dar a coñecer a música de Xamaica, a seguir apostando pola música de Jackie Edwards.
Chris Blackwell, o xefazo de Island, viulle un enorme potencial á canción de Jackie Edwards e ofreceulla a The Spencer Davis Group, quen a gravaría baixo a produción do propio Blackwell aquel mesmo ano de 1965. O éxito que Edwards non acadara ó interpretala el mesmo, conseguiuno The Spencer Davis Group aupándose no número un da lista inglesa. Foi tal a sona acadada, que moitos pensan que a de The Spencer Davis Group é a versión orixinal de "Keep on Running".
En España, esta canción tivo certo éxito coa adaptación ó castelán que fixeron Los Salvajes en 1966 co título "Corre Corre".
Ningún comentario:
Publicar un comentario