Co terceiro álbum de estudio, Standing in the Way of Control (2006), Gossip pasou a ser unha banda coñecida alén da escena indie na que se movía. Algunhas cancións como a que lle dá título ó álbum e sobre todo o single, "Listen Up!" chamaron poderosamente a atención de publicistas e de creativos de series de televisión, que viron un importante potencial na voz de Beth Ditto e no estilo do resto da banda, cuxo son volvía pór sobre a mesa un garage rock renovado coas doses precisas de electrónicas. "Standing in the Way of Control", o segundo single, contén unha importante carga de compromiso social, pois Ditto denuncia nela as leis homófobas que prohíben o matrimonio gay.
O son de "Standing in the Way of Control" está detrás da canción de Sugababes "Denial", pertencente ó quinto álbum destas tres mozas, Change (2007).
Ningún comentario:
Publicar un comentario