Cando a globalización aínda non acadara os niveis que se observan agora, a banda madrileña Barón Rojo editou dúas versións do seu segundo álbum Volumen brutal (1982), unha en castelán e outra en inglés pensada para o mercado internacional. Gravado no estudio de Ian Gillan, líder de Deep Purple, tivo unha moi boa acollida nas súas dúas versións e hoxe está considerado como un dos mellores discos de heavy metal do panorama español. Unha das súas cancións estrela é "Los rockeros van al infierno", auténtico himno heavy composto por José Luis Campuzano e Carolina Cortés, que xa forma parte de toda unha xeración.
Ben é verdade que non sempre as adaptacións non sempre obteñen o resultado que se espera, pero no caso de Volumen brutal saíu ben. A versión en inglés de "Los rockeros van al infierno" titulouse "Rockers Go to Hell". Non esquezamos que non hai moito Barón Rojo verteu ó castelán o álbum completo de The Who Tommy de maneira brillante.
Ningún comentario:
Publicar un comentario