Thom Bell e Linda Creed crearon un dos dúos de compositores máis prolíficos que se recordan no R&B dos setenta. Ámbolos dous foron os impulsores da carreira de grupos coma The Stylistics, a quen lles escribían as cancións ó tempo que Bell tamén lles producía os discos. Cun álbum de debut notable, o segundo traballo de The Stylistics, Round 2 (1972), seguía os mesmos patróns do anterior, pero desta volta incluían no repertorio algunhas versións de temas de Carole King e do tándem Bacharach- David, malia que o peso das composicións seguía recaendo en Bell e Creed. Unha das súas cancións é "You're as Right as Rain".
En realidade "You're as Right as Rain" triunfou na versión que Bob James fixo no álbum Two (1975), con aires de jazz, polo que moita xente pensa que é un tema deste artista, como adoita acontecer nestes casos.
Partindo da versión de Bob James, Röyksopp ensamblou a canción "Eple" no álbum Melody A.M. (2001).
Ningún comentario:
Publicar un comentario