Seguindo a estela do seu admirado Sam Cooke, Otis Redding estaba chamado a ser o seu sucesor. A súa voz privilexiada e a calidade dos seus traballos non tardaron en situalo como un dos grandes cantantes dos anos 60. A súa produción fíxose tan abundante que ademais dos distintos álbums que ía editando, Redding engadíalle singles soltos que logo ó final non aparecían ningún nos discos de longa duración do artista, pero que triunfaban de igual xeito nas listas de vendas. En 1965, como anticipo de The Soul Album editouse o single "Just One More Day" e na cara B contén un tema que despois non figuraría no disco. Trátase de "I Can't Turn You Loose", unha canción das máis movidas de Redding, que lograría superar en popularidade á da cara B, como tantas veces adoita acontecer.
Inspirándose en "I Can't Turn You Loose", Booker T. and the MG's, a banda de Steve Crooper, editou en 1969 "Time is Tight", un tema instrumental que a dicir verdade, non deixa de ser unha versión da de Otis Redding. En descargo da banda hai que dicir que moitos dos seus músicos traballaron con Redding na gravación dos seus discos, polo que non hai que estrañarse de que algo se lles quedase del.
Ningún comentario:
Publicar un comentario