Que o talento de Kanye West é tan grande coma o seu ego é algo que saben os que levan tempo seguindo a traxectoria deste artista, que dotou ó hip hop dunha estética próxima ó glamour. Antes de que West firmase o seu mellor traballo discográfico en 2010 con My Beautiful Dark Twisted Fantasy, xa deixara constancia de que era un rapeiro feito dunha pasta diferente nos catro anteriores discos. Cada vez máis achegado á perfección, en 808 & Heartbreak (2008) xa se notan algunhas claves que ía extrapolar nos seguintes álbums e que Kanye West se encargaría de ir pulindo entre disco e disco. Unha das cancións máis destacadas de 808 & Heartbreak é "Heartless", unha das poucas totalmente orixinais que non precisou de elementos alleos para a súa composición.
Tampouco deixa de ter o seu aquel que unha das cancións máis orixinais de Kanye West sexa das máis versionadas, sobre todo por grupos e artistas afastados do hip hop. Un dos mellores exemplos é a versión pop rock de The Fray, que se atopa na reedición do álbum epónimo da banda de Denver, publicado en 2009.
Ningún comentario:
Publicar un comentario