Os irmáns Don e Phil Everly déronse a coñecer a finais dos cincuenta precisamente como The Everly Brothers. A súa andaina ó longo de varias décadas deixou un pouso de moi boas cancións e excelentes versións doutros artistas que habería de facer deles unha das parellas de irmáns máis importantes da música. Case todo o mundo recórdaos agora por "All I Have to Do Is Dream", un tema lento que callou na memoria colectiva e nin sequera ningunha das versións que outros fixeron dela acadou o grao de popularidade da orixinal. No entanto, imos dedicarnos a outra gran canción dos Everly Brothers, neste caso "The Price of Love", que se editou como single en 1965 e que sería unha das grandes bazas do álbum, In Our Image (1966).
Hai unhas cantas versións moi boas de "The Price of Love" como a de Status Quo, cun son moito máis rockeiro. Editouse en 1969 e non se incluíu no álbum que a banda publicou ese ano.
Tamén distinta é a versión que Bryan Ferry gravou no álbum Let's Stick Together (1976), o terceiro en solitario á marxe de Roxy Music. A medida que ían aumentando as versións de "The Price of Love" tamén ía aumenta a duración destas.
A útlima gran versión de "The Price of Love" é a que fixo Marianne Faithfull no álbum Give My Love to London (2014).
Ningún comentario:
Publicar un comentario