En plena voráxine do britpop, calquera banda británica cunha proposta fresca que ofrecer non tardaba en ser o foco de atención. Nese contexto, Supergrass tivo moita sorte cando na primavera de 1995 debutou con I Shoud Coco, porque cada single que sacaban era un novo chanzo co que se achegaban á primeira liña do éxito. Pero o salto definitivo que fixo que se coñecera a Supergrass en todo o continente, foi a edición do quinto single, "Alright", que en pleno verán conquistou mesmo ós máis reticentes. Para entón o trío formado por Gaz Coombes, Mick Quinn e Danny Goffey xa era dos máis populares no seu país natal.
Bastante bochornosa na nosa opinión é o tema que Travie McCoy montou co retrouso de "Alright". A canción "We'll Be Alright", de Lazarus (2010) é case unha versión da orixinal de Supergrass, pero sen chispa nin graza. Unha mágoa!
Ningún comentario:
Publicar un comentario