Maxinquaye (1995), que supuxo o debut discográfico de Tricky, resultou ser un dos discos do ano, pois a proposta de Tricky, que combinaba o son do hip hop coa electrónica, o soul e o rock, convenceu á crítica, que vía neste novo artista unha das novas promesas que abandeiraba a música de vangarda, seguindo o camiño que non moito tempo atrás marcara Massive Attack, cos que Tricky xa colaborara. Con todo, en moitos aspectos pode apreciarse que Maxinquaye é ante todo o álbum dun debutante cun gran talento pero que non quere mostrar tódalas súas cartas na primeira xogada. As cancións están ateigadas de samples e das doce que compoñen o álbum só tres son totalmente orixinais, coma se con elas Tricky quixese mostrar que tamén sabía facer cousas sen un soporte anterior, algo que se foi vendo a medida que Tricky ía ampliando a súa discografía, cada vez máis con música propia. Das cancións de Maxinquaye, "Brand New You're Retro" non é nin moito menos a mellor, pero nos escasos tres minutos que dura, condensa dúas cancións, concretamente a dun artista e a dun grupo de hip hop, polos que Tricky sente gran admiración.
A primeira é a gran canción de Michael Jackson "Bad", que titulaba o álbum de 1987 do rei do pop.
A outra é a de Public Enemy "Mind Terrorist", do álbum It Takes a Nation of Millions to Hold Us Back (1988).
Ningún comentario:
Publicar un comentario