Devagar, pero cun ritmo constante, o grupo de funk de Chicago Earth, Wind & Fire foi editando discos durante os anos 70 asemade se convertía en imprescindible en calquera discoteca onde os novos sons do funk e a música disco ían gañando terreo á hora de entreter á xuventude. Na actualidade, Earth, Wind & Fire aínda nos segue ofrecendo a súa música tratando de adaptarse ós novos estilos pero sen renunciar á identidade que a converteu en banda de referencia; de feito, os seus anos de gloria remóntanse ós 70 e 80 e desa época quédanos un legado necesario para comprender o impacto que tivo o funk daquela. Xa nos primeiros traballos discográficos pódese apreciar a influencia que ían exercer. O cuarto álbum, Head to the Sky (1973), contén cancións coma "Evil", unha das tantas de Earth, Wind & Fire que deu orixe a algunha nova canción.
"Evil", en concreto, está detras da canción de Amerie, "Can We Go", pertencente ó álbum Touch (2005). Esta canción do segundo disco da artista está interpretada xunto con Carl Thomas.
Ningún comentario:
Publicar un comentario