O mundo non acabou para Dave Grohl, o batería de Nirvana, cando Kurt Cobain decidiu pór fin a súa vida e de paso rematar cunha das bandas máis prometedoras do rock. Recuperado do trauma, Grohl puxo en marcha o seu propio proxecto, Foo Fighters, que moi pronto comezou a recoller os froitos do éxito. Herdeiros do rock de guitarras contundentes, manteñen en pé un xénero que para moitos forma parte do pasado e que non ten cabida no novo século, onde a música electrónica parece acaparar todo. Non obstante, o traballo que Foo Fighters leva facendo desde mediados dos noventa, contradi esta opinión e os discos da banda de Grohl normalmente son ben acollidos por un público que non cre que o rock estea morto. O quinto disco, In Your Honour (2005), é dos máis aclamados grazas a cancións tan boas como o primeiro single, "Best of You".
http://youtu.be/MtfE72Ni9_YNon hai moito Anastacia tamén publicou o quinto disco da súa carreira, It's a Man's World (2012), un álbum de versións que vai desde os primeiros Led Zeppelin e os Stones de finais dos 60 ata Bon Jovi, Oasis e Kings of Leon. A cantante tamén ofrece unha espectacular versión de "Best of You", que non deixa indiferente a ninguén.
http://youtu.be/Rfxa42RtdDc
Ningún comentario:
Publicar un comentario