No ano 1969 Joe Cocker debutaba cunha versión do tema dos Beatles "With a Little Help from My Friends", que o ían converter nunha das grandes revelacións do momento. O primeiro álbum titulouno igual que a canción que lle acababa de reportar tanto éxito, pero en apenas seis meses, Cocker aproveitaba a boa estrela coa edición dun novo álbum que repetía a fórmula do anterior: algunha canción propia ou composta para el e versións doutros músicos. Dese modo, o mes de novembro traía Joe Cocker! (1969), tamén un bo disco, pero sen ningún trallazo coma "With a Little Help from My Friends", polo que Joe Cocker fixo unha pausa de tres anos para preparar en condicións o seguinte disco. Pero unha das cancións que pasou menos inadvertida nese segundo álbum é "Hitchcock Railway".
"Hitchcock Railway" é un dos poucos temas orixinais do álbum e talvez por iso centrou mellor a atención de Pete Townshend, que tomou a secuencia de piano para "Drowned", unha das cancións que compoñen a ópera rock Quadrophenia (1973), sexto álbum de The Who.
Ningún comentario:
Publicar un comentario